Міністр абароны Украіны: сённяшнія страты вельмі балючыя
Злачынцы абавязкова будуць пакараныя / https://www.facebook.com/GeneralStaff.ua
Міністр абароны Украіны Аляксей Рэзнікаў выказаўся пра расійскія ракетныя атакі на ўкраінскія гарады, якія адбыліся 10 кастрычніка. "Сённяшнія страты вельмі балючыя, бо загінулі украінцы. У гэтым мы адрозніваемся ад рускіх, — піша ён. — Перамога не наступіць заўтра, але яна дакладна стала бліжэй. Мы павінны мацней трымаць шыхты, каб гэта адбылося як мага хутчэй".
Рэзнікаў упэўнены, што "стойкасць украінскага народа і майстэрства сіл абароны Украіны прымушаюць ворага нервавацца і памыляцца". Ён перакананы, што "ўсе, хто аддаваў злачынныя загады ўдарыць ракетамі і дронамі, абавязкова будуць пакараныя".
