Мінскае "Дынама" прайграла ў гасцях "Словану" — 2:4

22 снежня мінскае "Дынама" ў чарговым матчы чэмпіянату КХЛ прайграла ў гасцях "Словану" з Браціславы — 2:4 (0:1, 2:1, 0:2). Дынамаўцы двойчы адыгрываліся, абодва разы шайбы закінуў Джонатан Чычу. Аднак у трэцім перыядзе "Слован" здолеў пераламіць ход гульні на сваю карысць і давесці яе да перамогі.

У мінскага "Дынама" засталося 62 ачкі, але ўжо пасля 42 матчаў. Каманда знаходзіцца на 8-м месцы ў турнірнай табліцы Заходняй канферэнцыі. 24 снежня дынамаўцаў чакае важны матч у Заграбе з "Медвешчаком".

Фота: hcdinamo.by