Мінздароўя: беларусы, якія заразіліся омікронам, не былі прышчэпленыя
Штам каранавіруса омікрон выяўлены ў мінчукоў, якім ад 20 да 46 гадоў. Ніхто з іх не быў прышчэплены ад COVID-19, паведамляе прэс-служба Мінздароўя.
Як распавядала Еўрарадыё, штам омікрон выявілі ў чатырох беларусаў. Захворванне ў іх працякае лёгка.
Адзін з захварэлых у арыенціровачныя тэрміны заражэння быў у Егіпце.
Таксама ў Мінздароўя кажуць, што адна з пацыентак перанесла каранавірусную інфекцыю ў лістападзе 2020-га — гэта значыць, цяпер яна захварэла паўторна.
