МЗС Украіны адклікае пасла ў Беларусі для кансультацый
![Ігар Кізім / З архіву Еўрарадыё](/sites/default/files/styles/main_image_watermark_/public/2023-08/dsc_4361_0.jpg.webp?itok=PY9HFqjc)
Ігар Кізім / З архіву Еўрарадыё
МЗС Украіны асудзіла сустрэчу Аляксандра Лукашэнкі з кіраўніком так званай "ДНР" Дзянісам Пушыліным, якая адбылася ў Мінску напярэдадні. Яе ацэньваюць "як спробу легітымізацыі гэтага прадстаўніка расійскай акупацыйнай адміністрацыі ў Данецку".
"Лічым сустрэчу з прадстаўніком расійскай акупацыйнай адміністрацыі, які хаваецца ад украінскага следства за ўчыненне цяжкіх злачынстваў і знаходзіцца пад украінскімі і міжнароднымі санкцыямі, чарговым і абуральным недружалюбным актам з боку Рэспублікі Беларусь, накіраваным на падтрымку дзяржавы-агрэсара РФ", — заявіла ўкраінскае знешнепалітычнае ведамства.
У гэтай сітуацыі МЗС Украіны адклікае для кансультацый пасла ў РБ Ігара Кізіма.
Афіцыйны Кіеў падкрэслівае, што "Мінск павінен устрымлівацца ад такіх дэструктыўных крокаў і спыніць падтрымку агрэсіўнай вайны Расіі супраць Украіны".
![МЗС Украіны адклікае пасла ў Беларусі для кансультацый](/sites/default/files/styles/default_image_paragraph/public/paragraphs/image/9588~-~media--521a83d4--query%402x.jpg.webp?itok=5mmOENNS)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.