На беларускім заводзе "Штадлер" масава звальняюць работнікаў
![На беларускім заводзе "Штадлер" масава звальняюць работнікаў](/sites/default/files/styles/gallery_main/public/2023-08/stadler-2103.jpg.webp?itok=uy_b9qXe)
Швейцарская кампанія Stadler Rail не плануе зачыняць свой завод у Беларусі. Пра гэта заявіў старшыня савета дырэктараў кампаніі Пітэр Шпулер, піша swissinfo.ch.
Бізнесовец прызнаў, што прадпрыемства пацярпела ад санкцый, уведзеных супраць беларускай улады. Завод у Беларусі пазбавіўся доступу да еўрапейскіх электронных кампанентаў, якія выкарыстоўваюцца, напрыклад, у кандыцыянерах цягнікоў, сістэме інфармавання.
Таму "Штадлер" вымушаны перанесці частку зборачных аперацый з Беларусі ў Польшчу і Швейцарыю. Вытворчасць у Фаніпалі будзе надалей скарачацца.
Ужо цяпер з ранейшых 1700 супрацоўнікаў засталося 1150 чалавек. Але плануюцца і далейшыя значныя скарачэнні: цягам трох месяцаў кампанія мяркуе скараціць персанал прыкладна да 700-800 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.