На час саміту NATO жыхарам Вільні рэкамендуюць пакінуць горад
![Вільня / delfi.lt](/sites/default/files/styles/gallery_main/public/2023-08/vilnius-86757623.jpg.webp?itok=UJ43R1CX)
Вільня / delfi.lt
На час саміту NATO жыхарам Вільні рэкамендуюць планаваць адпачынак і пакінуць горад. Мяркуецца, што рух у цэнтры літоўскай сталіцы і на яе асноўных вуліцах будзе паралізаваны. Усім гасцям не хопіць месцаў у віленскіх гатэлях, таму для іх ужо шукаюць варыянты ў іншых гарадах Літвы. На час саміту ў Вільні спыняць усе рамонтныя працы, піша Delfi.
Саміт NATO пройдзе ў Вільні 11-12 ліпеня 2023 года. Ужо цяпер літоўскія ўлады не выключаюць, што ў аэрапорце не хопіць месца для самалётаў, на якіх прыляцяць госці. Для арганізацыі картэжаў з сотняў машын прыцягнуць вайскоўцаў.
У літоўскім урадзе кажуць, што "для Вільні гэта будзе няпросты час".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.