Пры тушэнні пажару на нафтабазе ў РФ пацярпелі больш за 40 ратавальнікаў
![Пажар спрабуюць хаця б лакалізаваць](/sites/default/files/styles/gallery_main/public/2024-08/dym.jpg.webp?itok=oaSrf2dH)
Пажар спрабуюць хаця б лакалізаваць / Telegram
Пры тушэнні пажару на нафтабазе ў Пралетарску Растоўскай вобласці РФ пацярпелі больш за 40 ратавальнікаў. Амаль палова з іх шпіталізаваныя, а 5 трапілі ў рэанімацыю ў цяжкім стане, паведамляе "Бі-Бі-Сі".
Узгаранне пачалося 18 жніўня пасля атакі дронаў. З таго часу пажар ліквідаваць не атрымліваецца. Яго тушэнне даводзіцца перыядычна прыпыняць з-за выбухаў ёмістасцяў — агонь падбіраецца да новых рэзервуараў. Пажар спрабуюць хаця б лакалізаваць. У Пралетарскім раёне аб'явілі рэжым надзвычайнай сітуацыі.
У Генштабе УСУ заявілі, што атаку арганізавала ГУР Мінабароны Украіны. На нафтабазе захоўваліся нафта і нафтапрадукты, якія выкарыстоўваюцца ў тым ліку і для патрэб расійскай арміі.
![Пры тушэнні пажару на нафтабазе ў РФ пацярпелі больш за 40 ратавальнікаў](/sites/default/files/styles/default_image_paragraph/public/paragraphs/image/334455.jpg.webp?itok=_jQICZrm)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.