На мінскай ЦЭЦ-2 разбілі манометр — сабралі 4 кг іртуці
![На мінскай ЦЭЦ-2 разбілі манометр — сабралі 4 кг іртуці](/sites/default/files/styles/gallery_main/public/2023-08/irtuc-0502-3.jpg.webp?itok=8XgS8WHA)
4 лютага ў 14:15 мінскія ратавальнікі атрымалі выклік на сталічную ЦЭЦ-2, паведамляе прэс-служба МНС.
Начальнік ЦЭЦ паведаміў, што пры дэмантажных работах разлілася ртуць. Высветлілася, што ў галоўным корпусе турбіннага аддзялення з дыферэнцыяльнага ртутнага манометра выцекла ртуць. Пацярпелых пры здарэнні не было, эвакуацыя рабочых не праводзілася.
Работнікі МНС сабралі 4 кг іртуці, а яшчэ 3 кг заставаліся ў дэмантаваным прыборы.
Праверка ртутным аналізатарам не выявіла перавышэння нормы пароў іртуці ў паветры.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.