На Ралан Гаросе Арына Сабаленка абыграла Ірыну Шымановіч
Арына Сабаленка / eurosport.co.uk
У матчы 1/32 фіналу адкрытага чэмпіянату Францыі па тэнісе беларуска Арына Сабаленка (2-і нумар у рэйтынгу WTA) у адзіночным разрадзе перамагла суайчынніцу Ірыну Шымановіч (214).
Сустрэча паміж тэнісісткамі працягвалася 1 гадзіну 27 хвілін. Сабаленка атрымала перамогу з лікам 7:5, 6:2.
На старце турніру Сабаленка перамагла ўкраінку Марту Касцюк — 6:3, 6:2.
