На Слуцкі цукровы камбінат выязджалі 12 машын МНС
Тэхніка МНС на тэрыторыі Слуцкага цукрарафінаднага камбіната / @mchs112by / @mchs112by
Дванаццаць адзінак тэхнікі накіравала сёння раніцай мясцовае аддзяленне МНС на Слуцкі цукрарафінадны камбінат. Ратавальнікам патэлефанавалі і паведамілі пра задымленне.
Інцыдэнт адбыўся ва ўпаковачным цэху. Што менавіта здарылася, ратавальнікі не ўдакладняюць. Паведамляюць толькі, што надзвычайнае здарэнне было ліквідаванае персаналам прадпрыемства. Пацярпелых няма. Працоўны працэс прадпрыемства таксама не быў парушаны.
