На Вадохрышча чакаецца да -7 і парывісты вецер

Воблачнае надвор'е чакаецца ў Беларусі 19 студзеня. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы пераважна па паўднёвым захадзе краіны, а зранку і ўдзень на большай частцы тэрыторыі пройдзе снег, мокры снег. У асобных раёнах чакаецца завея, слабы галалёд. На асобных участках дарог прагназуецца галалёдзіца. 

Вецер будзе пераменных напрамкаў 5-10 метраў за секунду. Яго парывы ​​дасягнуць 14 метраў за секунду, па паўднёвым захадзе — месцамі да 15-18 метраў за секунду.

Уначы тэмпература паветра будзе -1...-7, удзень сіноптыкі прагназуюць ад 1 градуса цяпла да 5 градусаў марозу.