На з'ездзе БСДП вылучаныя 34 прэтэндэнты ў дэпутаты
![На з'ездзе БСДП вылучаныя 34 прэтэндэнты ў дэпутаты](/sites/default/files/styles/gallery_main/public/2023-08/bsdp-1807.jpg.webp?itok=aSiZgBP0)
34 прэтэндэнты ў дэпутаты вылучаныя на 17-м пазачарговым з'ездзе Беларускай сацыял-дэмакратычнай партыі (Грамады). З'езд прайшоў у Мінску 17 ліпеня. Як інфармуе БелаПАН, у з'ездзе ўдзельнічалі 37 дэлегатаў. Кожная з прапанаваных кандыдатураў прайшла праз таемнае галасаванне.
Партыйнымі прэтэндэнтамі ў парламент вылучаныя старшыня Ірына Вештард, намеснікі старшыні Ганна Канюс і Леанід Дубаносаў, сябра прэзідыўма Ігар Маслоўскі, сябра ЦК Алег Трусаў. Акрамя таго, частка патэнцыйных кандыдатаў зарэгістравала свае ініцыятыўныя групы і адначасова вылучаецца праз збор подпісаў.
Па словах першага намесніка старшыні БСДП (Грамада) Ігара Барысава, сёлетняя парламенцкая кампанія стала для партыі самай актыўнай. На некалькіх папярэдніх падобных выбарах сацыял-дэмакратычная партыя вылучала 10-11 чалавек.
Выбары ў Палату прадстаўнікоў пройдуць у Беларусі 11 верасня.