Надвор’е на панядзелак: дажджы, навальніцы, да +30
24 чэрвеня ў Беларусі будзе пераменная хмарнасць.
Уначы на большай частцы тэрыторыі, удзень па заходняй палове кароткачасовыя дажджы, навальніцы, месцамі моцныя залевы. Вецер паўднёва-ўсходні ўмеркаваны, пры навальніцах парывісты, удзень у асобных раёнах шквалістае ўзмацненне да 15-20 метраў за секунду.
Тэмпература паветра ўначы складзе 12-19 градусаў цяпла. Удзень будзе 24-29, па поўдні месцамі паветра прагрэецца да 30 градусаў, паведамляе БЕЛТА са спасылкай на Белгідрамет.
