Навіны пасяўной: на Міншчыне затрымалі дырэктараў двух сельгаспрадпрыемстваў

У Мінскай вобласці за хабар затрымалі кіраўнікоў двух сельгаспрадпрыемстваў. Аднаго — у Стаўбцоўскім раёне, другога — у Нясвіжскім. Абодва дырэктары бралі грошы "за спрыяльнае вырашэнне пытанняў закупкі мінеральных угнаенняў і кармавых дрожджаў, своечасовай аплаты пастаўленага тавару", кажуць у МУС.

Вядома, што кіраўнік Стаўбцоўскага прадпрыемства атрымліваў "грашовыя ўзнагароды" за паслугі са студзеня да красавіка. Агульная сума падзякі склала 1200 еўра. Дырэктара Нясвіжскага прадпрыемства затрымалі ў яго кабінеце з хабарам у 400 еўра. Супраць абодвух мужчын завялі крымінальныя справы.

Кіраўнікоў гэтых сельгаспрадпрыемстваў затрымалі падчас праверак, якія цяпер — падчас пасяўной — ладзіць міліцыя.