Названыя лаўрэаты прэміі "Залаты глобус"
!["Залаты глобус" па выніках 2023 года](/sites/default/files/styles/gallery_main/public/2024-01/ap24.jpg.webp?itok=o9grZlMk)
"Залаты глобус" па выніках 2023 года / АР
Названыя лаўрэаты прэміі "Залаты глобус" па выніках 2023 года. 81-я цырымонія ўручэння ўзнагарод прайшла ў Беверлі-Хілз у Каліфорніі. Імёны пераможцаў назвала Асацыяцыя замежных журналістаў, акрэдытаваных пры Галівудзе.
Найлепшым рэжысёрам назвалі Крыстафера Нолана, а найлепшым драматычным фільмам стаў яго "Апенгеймер". Найлепшым сцэнаром прызналі працу Жусціна Трые і Артура Арары ў "Анатоміі падзення".
Найлепшы мюзікл або камедыя — "Бедныя-няшчасныя", найлепшы драматычны серыял — "Спадкаемцы", найлепшы камедыйны серыял або мюзікл — "Мядзведзь", найлепшы мінісерыял або тэлефільм — "Грызня", найлепшы фільм на замежнай мове — "Анатомія падзення".
Найлепшыя жаночую і мужчынскую ролі ў драме выканалі Лілі Гладстоўн ("Забойцы кветкавага месяца") і Кіліян Мёрфі ("Апенгеймер").
Фільм "Барбі" ўзнагародзілі за "кінематаграфічныя і касавыя дасягненні".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.