Не прыбірайце далёка купальнікі: якое будзе надвор'е ў другой палове тыдня
![Як правільна прабавіць гэтыя дні / pixabay](/sites/default/files/styles/gallery_main/public/2023-08/woman-5631257_1920.jpg.webp?itok=GLu-thQd)
Як правільна прабавіць гэтыя дні / pixabay
Не хавайце далёка свой крэм ад сонца. Слупок тэрмометра пакуль яшчэ не плануе апускацца ніжэй за 27-30 градусаў.
У чацвер днём, 17 жніўня, дзе-нідзе па Беларусі могуць прайсці кароткія дажджы і нават прагрымець навальніцы. Вецер будзе паўднёвы, пры навальніцах — парывісты. Тэмпература паветра мінімальная ноччу +16..+22°С, а месцамі ўначы слупкі тэрмометраў апусцяцца да +13..+ 15°С. Максімальная тэмпература днём +28..+34°С.
У пятніцу і суботу на надвор'е будзе ўплываць цёплая паветраная маса трапічнага паходжання.
У пятніцу, 18 жніўня, месцамі па краіне пройдуць кароткія дажджы, магчымыя навальніцы. Тэмпература паветра мінімальная ноччу +14..+21 °С, максімальная днём +27..+33°С.
Дажджы і навальніцы магчымыя і ў суботу, 19 жніўня. Тэмпература паветра мінімальная ноччу +14..+21°С. Днём на поўначы паветра прагрэецца да +25°С, а на поўдні Беларусі будзе да + 33°С.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.