Па "справе карагодаў" 2020-га ў Брэсце асудзілі яшчэ двух чалавек
Брэст, 13 верасня 2020 года / Кадр з відэа
У судзе Камянецкага раёна па "справе карагодаў" асудзілі яшчэ двух чалавек: Крысціну Салаўёву і Геннадзя Клімашэвіча. Ім прызначылі адзін год калоніі агульнага рэжыму і паўтара года калоніі з адтэрміноўкай выканання пакарання праз тое, што на ўтрыманні ёсць дзіця, якому менш за тры гады, адпаведна. Прысуд вынесла Галіна Прыхожка, паведамляе "Вясна".
Клімашэвіч утрымліваецца пад вартай з канца красавіка 2024 года. Дома яго чакаюць двое непаўналетніх дзяцей.
Па звестках праваабаронцаў, агулам па "справе карагодаў" асудзілі ўжо 139 чалавек. 13 верасня 2020 года пратэстоўцы ў чарговы раз выйшлі на вуліцы абласнога цэнтра і вадзілі карагод на адным са скрыжаванняў, пакуль іх сілавікі не разагналі з дапамогай вадамёта.
