Пад Мазыром пры пасадцы перакуліўся ваенны верталёт (відэа)
![Пад Мазыром пры пасадцы перакуліўся ваенны верталёт (відэа)](/sites/default/files/styles/gallery_main/public/2023-08/viertaliot-2504.jpg.webp?itok=yO60qHdY)
Пад Мазыром, за 6 км на паўночны захад ад горада, падчас навучальных палётаў перакуліўся ваенны верталёт. Як паведамляе прэс-служба Міністэрства абароны, здарэнне адбылося 25 красавіка ў 16.20.
Верталёт МІ-24, які належыць 50-й змяшанай авіяцыйнай базы ВПС і войскаў СПА Узброеных сілаў, выконваў планавую пасадку на пляцоўку па-за аэрадромам.
Паведамляецца, што экіпаж верталёта жывы. У раёне пляцоўкі прызямлення разбурэнняў няма.
Міністэрства абароны прызначыла камісію, якая вызначыць прычыны здарэння.
![Пад Мазыром пры пасадцы перакуліўся ваенны верталёт (відэа)](/sites/default/files/paragraphs/image/mapa-2504-2.png)
Прыблізнае месца падзення верталёта