Памёр былы начальнік віцебскай папраўчай калоніі № 3
У калоніі № 3 / spring96.org
Памёр былы начальнік віцебскай папраўчай калоніі № 3 палкоўнік унутранай службы Аляксей Старавойтаў, паведамляе MAYDAY. У 47 гадоў (па іншых звестках, у 46). Прычына смерці невядомая.
Старавойтаў там кіраваў каля пяці гадоў — да лета 2023 года, а ўвогуле там працаваў з канца 1990-х. Менавіта ў гэтай калоніі ў траўні мінулала года памёр палітвязень Мікалай Клімовіч.
Пра Аляксея Старавойтава вядома, што ён датычны да ціску на палітвязняў. У прыватнасці, прымушаў іх пісаць прашэнні аб памілаванні на імя Аляксандра Лукашэнкі.
Аляксей Старавойтаў / BELPOL
