Польшча перакідвае свае войскі да мяжы з Беларуссю праз вагнераўцаў
![Польска-беларуская мяжа / Амар Маркес/Getty Images](/sites/default/files/styles/gallery_main/public/2023-08/uid_21235eb631bf484b9bda86c7b5b3ed7e_width_1143_play_0_pos_0_gs_0_height_0.jpg.webp?itok=9hZnO2RH)
Польска-беларуская мяжа / Амар Маркес/Getty Images
Польшча вырашыла перакінуць свае воінскія фарміраванні з захаду на ўсход краіны праз прыбыццё вагнераўцаў у Беларусь, паведамляе TVP са спасылкай на камітэт бяспекі краіны. Задача гэтых падраздзяленняў — вучэнні і стрымліванне.
Напярэдадні стала вядома, што беларускае войска ладзіць сумесныя трэніроўкі з вагнераўцамі на палігоне пад Брэстам недалёка ад польскай мяжы.
"Вучэнні або супольныя вучэнні беларускага войска і групы Вагнера, несумненна, з'яўляюцца правакацыяй", — сказаў сакратар Камітэта Рады міністраў у справах нацыянальнай бяспекі і абароны Польшчы.
Незадоўга да гэтага ўкраінская памежная служба папярэджвала, што групоўкі вагнераўцаў, якія перамясціліся ў Беларусь, могуць быць выкарыстаныя для правакацый на мяжы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.