Пракаповіч: Беларусь можа атрымаць чарговы транш крэдыту МВФ у кастрычніку

Беларусь можа атрымаць чарговы транш крэдыту МВФ у другой палове кастрычніка. Пра гэта заявіў старшыня праўлення Нацыянальнага банка на сустрэчы з кіраўніком Беларусі. Як паведамляе БЕЛТА, Пётр Пракаповіч паінфармаваў Аляксандра Лукашэнку пра вынікі працы місіі МВФ у Беларусі, якая завяршылася 2 верасня. Эксперты фонду адзначылі, што ўсе асноўныя паказчыкі, узгодненыя бакамі, на 1 ліпеня былі выкананыя. Цяпер праводзіцца адпаведная праца, накіраваная на то, каб гэтыя паказчыкі былі выкананыя па стане на 1 кастрычніка.

Акрамя таго, засталіся тэхнічныя пытанні па вылучэнні Беларусі чарговага транша крэдыту МВФ. Плануецца, што ў пачатку кастрычніка адбудзецца штогадовае паседжанне рады кіраўнікоў Групы Сусветнага банка і МВФ у Стамбуле. Адпаведна, паседжанне рады дырэктараў МВФ наконт пераліку нашай краіне чарговага транша крэдыту, хутчэй за ўсё, пройдзе ў сярэдзіне кастрычніка. Таму Беларусь зможа атрымаць чарговы транш крэдыту МВФ у другой палове кастрычніка.