Прэзідэнт Украіны прыняў адстаўку Мікалая Азарава і ўрада
Адпаведны ўказ абнародаваны на афіцыйным сайце кіраўніка дзяржавы ў аўторак.
Згодна з дакументам, Віктар Януковіч прымае адстаўку прэм'ер-міністра і Кабміна, паведамляецца на сайце ўкраінскага прэзідэнта. Ён даручыў Кабінету міністраў працягваць працу да пачатку працы новасфармаванага ўрада. Згодна з законам, такая сітуацыя можа працягвацца не больш за 60 дзён.
Указ набывае моц з дня яго апублікавання.
Нагадаем, што Мікалай Азараў падаў у адстаўку 28 студзеня. Ён заявіў, што пайшоў на гэты крок для мірнага ўрэгулявання канфлікту ва Украіне.
Фота — president.gov.ua
