Прысуд па справе Эдуарда Пальчыса могуць абвесціць ужо на наступным тыдні
Прысуд па справе блогера Эдуарда Пальчыса могуць абвесціць ужо на наступным тыдні. Пра гэта паведаміў БелаПАН палітык Павел Севярынец, які спаслаўся на адваката абвінавачанага.
Гучны працэс ужо амаль тыдзень праходзіць у Мінскім гарадскім судзе ў закрытым рэжыме. Пальчыса, заснавальніка і аўтара сайта 1863x.com (на ім ананімна публікаваліся палітычныя тэксты), якога ў пачатку лета экстрадзіравалі з Расіі, абвінавачваюць у распальваньні міжнацыянальнай варожасці і распаўсюдзе парнаграфіі. Праваабаронцы прызналі 25-гадовага Эдуарда Пальчыса палітвязнем.
У судзе аб'яўлены перапынак да 10-й гадзіны 24 кастрычніка.
