Пуцін: Расія будзе ўзмацняць адзіную сістэму СПА з Беларуссю (відэа)
Расійскі прэзідэнт заявіў пра гэта на цырымоніі прадстаўлення вышэйшых афіцэраў расійскага войска.
"Плануем таксама ўзмацніць адзіную сістэму Супрацьпаветранай абароны з Беларуссю, распачаць фармаванне падобных рэгіянальных сістэмаў з Арменіяй і Казахстанам", — цытуе словы Уладзіміра Пуціна РІА "Новости".
Паводле слоў расійскага прэзідэнта, такое супрацоўніцтва заўважна павышае абарончы патэнцыял Расіі і партнёраў, служыць умацаванню міру і стабільнасці на еўразійскай прасторы.
Пуцін нагадаў пра паспяховыя беларуска-расійскія стратэгічныя вучэнні "Захад-2013" і пра тое, што на чарзе — стварэнне рэгіянальных груповак войскаў з удзелам Беларусі, Арменіі, Казахстана і Таджыкістана.
Фота — ria.ru
