Пункт вакцынацыі ад COVID-19 адкрыўся на яшчэ адной станцыі сталічнага метро
Станцыя метро "Плошча Францішка Багушэвіча" / metropr.by
Пункт вакцынацыі ад каранавіруса адкрыты ў Мінску ў падземным пераходзе на станцыі метро "Плошча Францішка Багушэвіча", перадае агенцтва "Мінск-Навіны".
Пункт вакцынацыі працуе з 12.00 да 18.00. Першы пункт вакцынацыі ў мінскай падземцы адкрыўся летам на станцыі метро "Кавальская Слабада". Штодня яго наведвае больш за 50 чалавек.
Як паведамляла Еўрарадыё, у сталіцы цяпер таксама праходзіць вакцынацыя ад грыпу — яна працягнецца да 1 студзеня 2022 года. Медыкі рэкамендуюць пацыентам спачатку прайсці поўны курс вакцынацыі ад COVID-19 і праз два тыдні пасля гэтага прышчапіцца ад грыпу.
