Рабаў: На Новы год у Беларусі чакаецца нулявая тэмпература
На Новы год у Беларусі чакаецца нулявая тэмпература. Пра гэта ў сераду, 2 снежня, паведаміў Дзмітрый Рабаў, начальнік службы прагнозаў службы гідраметэаралагічных прагнозаў Рэспубліканскага цэнтра па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Паводле яго слоў, у нашай краіне прагназуецца цёплая зіма. Да 20 снежня тэмпература паветра будзе на 1-2 градуса перавышаць кліматычную норму. Праўда, на каталіцкія Каляды крыху пахаладае, аднак да Новага года зноў будзе пацяпленне. Паводле папярэдніх прагнозаў, у навагоднюю ноч чакаецца 1-6 марозу, а ўдзень — каля нуля. Пройдуць невялікія ападкі — снег, мокры снег, інфармуе БЕЛТА.
