Рабаў: Зіма вернецца ў Беларусь у сярэдзіне сакавіка
Зіма вернецца ў Беларусь у сярэдзіне сакавіка. Зноў пачнуцца снегапады і маразы. Пра гэта sputnik.by паведаміў Дзмітрый Рабаў, начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролю радыеактыўнага забруджвання і маніторынгу навакольнага асяроддзя.
Аднак з вечара нядзелі беларусаў чакае пацяпленне. Вядома, што ў аўторак, 8 сакавіка, тэмпература паветра ў дзённыя гадзіны складзе да 10-14 градусаў цяпла. Прагназуюцца ападкі ў выглядзе кароткачасовых дажджоў. Аднак, як высвятляецца, вясна прыйдзе ненадоўга, да нас зноў вернецца зіма.