Расіяне ноччу нанеслі ўдар па Мікалаеву — сярод пацярпелых ёсць дзеці
![Наступствы абстрэлу Мікалаева / @UA_National_Police](/sites/default/files/styles/gallery_main/public/2023-08/mikolaev_20_07-gl.jpg.webp?itok=ZDiHBSy-)
Наступствы абстрэлу Мікалаева / @UA_National_Police
Трэцюю ноч запар расіяне абстрэльваюць ракетамі і дронамі поўдзень Украіны. У Мікалаеве гэтай ноччу ў выніку такой атакі пацярпелі 18 чалавек. Дзевяць з іх, у тым ліку некалькі дзяцей, шпіталізавалі. Дваіх выратавалі з-пад завалаў. Пра гэта піша Hromadske са спасылкай на кіраўніка абласной вайсковай адміністрацыі Віталя Кіма.
Удар прыйшоўся па цэнтры горада. Пашкоджанні атрымалі прынамсі 5 жылых шматпавярховых дамоў, кажа мэр Мікалаева Аляксандр Сянкевіч.
"Цяпер іх адключылі ад электразабеспячэння. Працягваецца выратавальна-пошукавая аперацыя", — дадаў ён. У месцы іншага прылёту пашкоджаны 15 гаражоў.
Яшчэ адной мэтай расіян з'яўляецца Адэская вобласць. Гэтай ноччу ў цэнтры горада быў разбураны адміністрацыйны будынак. Гэтыя начныя атакі накіраваныя на партовую інфраструктуру, кажа кіраўнік Аб'яднанага каардынацыйнага прэс-цэнтра Сіл абароны поўдня Украіны Наталля Гумянюк. "Зразумела, што адразу пасля таго, як Расія пачала рыторыку аб сваіх умовах пралангацыі збожжавага пагаднення, яна пачала пераходзіць на мову шантажу", — цытуе Гумянюк агенцтва УНІАН. Цяпер гэты шантаж перайшоў у агнявы. Гумянюк таксама адзначыла, што трапленні ў Адэскай вобласці датычацца аб'ектаў лагістыкі — гаворка ідзе пра складскія памяшканні.
![Россияне ночью нанесли удар по Николаеву — среди пострадавших есть дети](/sites/default/files/styles/default_image_paragraph/public/paragraphs/image/mikolaev_20_07.jpg.webp?itok=EpTjqG1u)
![Россияне ночью нанесли удар по Николаеву — среди пострадавших есть дети](/sites/default/files/styles/default_image_paragraph/public/paragraphs/image/mikolaev_20_07-2.jpg.webp?itok=SZLBW_jo)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.