Бабруйскія дэмакраты не збіраюцца ўдзельнічаць у выбарах
Заяву аб намеры байкатаваць выбары ў Палату прадстаўнікоў агучыла Каардынацыйная рада дэмакратычных сілаў горада.
Сваё рашэнне бабруйскія дэмакраты тлумачаць тым, што ў краіне ёсць палітвязні, адбываюцца рэпрэсіі ў дачыненні да незалежных СМІ, партый і грамадскіх арганізацый, абмяжоўваецца свабода мітынгаў і сходаў, а таксама немагчыма ўключыць апазіцыянераў у склад выбарчых камісій.
Заяву падпісалі восем прадстаўнікоў палітычных партый, грамадскіх арганізацый і кампаній.
