Беларускага біятланіста знялі з дыстанцыі — сапернікі абагналі яго на круг
У суботу ў расійскім горадзе Ханты-Мансійск на 9-м этапе Кубка свету па біятлоне прайшла мужчынская гонка пераследу на 12,5 км.
Перамогу ў ёй святкаваў Крыстаф Зуман з Аўстрыі. Беларусь прадстаўляў толькі Юрый Лядаў. На першым агнявым рубяжы ў яго заклініла патрон, пасля былі два промахі. На другім агнявым рубяжы беларус зноў двойчы прамахнуўся. А пасля трэцяга круга суддзі знялі Лядава з гонкі, паколькі сапернікі абагналі яго на адзін круг, інфармуе БЕЛТА.
Дар'я Домрачава ў гонцы пераследу на 10 км была толькі 11-й, на 4-х агнявых рубяжах у яе былі чатыры промахі.
17 сакавіка пройдуць жаночы і мужчынскі мас-старты. Ніхто з беларускіх біятланістаў не заваяваў права на ўдзел у апошнім старце сезона, а жаночую зборную прадставяць Дар'я Домрачава і Надзея Скардзіна.
Фота — interfax.by
