Гродзенскае ДАІ катала на лімузіне людзей з флікерамі-сардэчкамі (фота)
А закаханыя запусцілі ў неба кітайскія ліхтарыкі. ФОТАРЭПАРТАЖ
Гродна адсвяткавала Дзень усіх закаханых. Нават сёння аўтаінспекцыя нагадала пра бяспеку дарожнага руху. Мерапрыемства мела назву “Цані жыццё! Беражы любоў!”. Увечары ў цэнтр горада ДАІ прыгнала белы лімузін. Пракаціцца на ім можна было парам, вопратка якіх была ўпрыгожана святловяртаючымі элементамі. 
Адначасова закаханыя хлопцы і дзяўчаты запусцілі ў неба дзесяткі палаючых сэрцаў. Прыгожая акцыя праходзіць не першы раз — многія пары купілі кітайкія ліхтарыкі заранёў. Да мерапрыемства нават падключыліся некаторыя мясцовыя фірмы і заснавалі свае ўзнагароды для самых рамантычных параў.
