Матчы футбольнага чэмпіянату ўсё ж пакажуць па БТ
Адпаведную дамову падпісалі Беларуская федэрацыя футболу і Белтэлерадыёкампанія.
Як паведамляе прэс-служба федэрацыі футболу, дамова прадугледжвае паказ матчаў нацыянальнай зборнай, а таксама паказ матчаў "Альфа-Банк — Чэмпіянату Рэспублікі Беларусь па футболе 2012 года" па адным з кожнага тура. Будзе паказаны і фінальны матч Кубка Беларусі па футболе.
Нагадаем, што раней тэлеканал СТВ адмовіўся паказваць матч чэмпіянату Беларусі. Кіраўніцтва тэлеканалу заявіла, што не можа задарма рэкламаваць камерцыйны банк, згаданы ў назве чэмпіянату.
Фота — banana.by
