На лета пуцёўкі ў беларускія санаторыі можна набыць толькі да красавіка
Бо пазней яны накіроўваюцца ў Расію. Аб гэтым расказаў дырэктар Рэспубліканскага цэнтра па аздараўленні і санаторна-курортным лячэнні насельніцтва Мікалай Мазур.
Мазур: "Трэба купіць пуцёўку да красавіка. Калі да красавіка пуцёўкі не прададзены, яны едуць у Маскву, Пецярбург і іншыя расійскія гарады. Пуцёўкі не чакаюць людзей... Расіяне гэта зразумелі і плюс нашы маркетынгавыя службы працуюць на Расію”.
Па словах Мікалая Мазура, патрапіць у беларускія санаторыі некаторыя беларусы не могуць толькі таму, што ім проста трэба навучыцца планаваць свой адпачынак. І калі нашы грамадзяне навучацца загадзя турбавацца аб сваім адпачынку, такая праблема знікне.
