Старшыня гомельскага гарвыканкама стаў лепшым стралком у вобласці
У абласным цэнтры прайшла спартакіяда-конкурс сярод кіруючых органаў выканаўчай улады.
У творчым і спартыўным раздзелах конкурсу, прымеркаванага да 75-годдзя Гомельскай вобласці, прынялі ўдзел амаль паўтары тысячы чыноўнікаў Гомельшчыны, паведамляе газета “Мая рэклама”.
Лепшым стралком з пнеўматычнага пісталета сярод мужчын стаў старшыня гарвыканкама Гомеля Пётр Кірычэнка, а ў жанчын на вышэйшую прыступку п’едэстала ў гэтай дысцыпліне паднялася галоўны спецыяліст кіравання справамі Добрушскага райвыканкама Юлія Траціннікава.
