Суд над "віцебскімі" тэрарыстамі можа пачацца ўжо праз месяц
Абвінавачаныя ў здяйсненні тэракту на станцыі метро “Кастрычніцкая” пачалі знаёміцца са справай.
Пра гэта паведаміў генеральны пракурор Беларусі Рыгор Васілевіч 20 ліпеня на прэс-канферэнцыі ў Мінску. Ён адзначыў, што па законе на азнаямленне з крымінальнай справай даецца месяц. Зыходзячы з гэтага можна прыкладна вызначыць дату перадачы справы ў суд.
Выбух на станцыі "Кастрычніцкая" мінскага метро прагрымеў 11 красавіка. 15 чалавек загінулі, больш за 160 - атрымалі траўмы, у тым ліку цяжкія.