Трох незалежных журналістаў выклікаюць у Генпракуратуру
Сябры БАЖ Алег Ражкоў, Алесь Баразенка і Аліна Радачынская атрымалі позвы за подпісам дарадцы юстыцыі Паўла Елісеева.
У інтэрв’ю Белсат Алег Ражкоў паведаміў, што яго спрабавалі запрасіць у пракуратуру праз тэлефон, аднак ён адмовіўся туды ісці без афіцыйнага дакумента. Пад час працы ў Гомелі журналіст ужо атрымліваў папярэджанні ад пракуратуры за працу на СМІ, што не мае акрэдытацыі на тэрыторыі Беларусі. Але тыя папярэджанні за даўнасцю часу ўжо ануляваныя. Ражкоў лічыць, што яго імкнуцца пасадзіць на новыя лейцы.
