У доме Адама Ланзы, які расстраляў 26 чалавек, знайшлі арсенал зброі
Паліцыя праверыла дом 20-гадовага амерыканца, які днямі прыйшоў у школу ў штаце Канектыкут ды пачаў страляць у школьнікаў і дарослых.
Там былі знойдзеныя пісталеты, стрэльбы і вінтоўка. Гэтая зброя зарэгістраваная на маці Адама Ланзы, якую ён таксама застрэліў.
Нагадаем, ахвярамі забойцы сталі каля 20 маленькіх дзяцей (12 дзяўчынак і 8 хлопчыкаў), у якіх ён страляў з вінтоўкі. На целах медыкі знайшлі ад 3 да 11 агнястрэльных раненняў. Сам Ланза застрэліўся. Як адзначаюць амерыканскія СМІ, дагэтуль невядомыя матывы, якія падштурхнулі амерыканца на такое жудаснае злачынства.
У ЗША працягваецца чатырохдзённая жалоба.
Фота — РИА Новости, Reuters
