"Тое, што адбылося сёння, здзейсніла чыстае зло" — у ЗША зноў страляніна ў школе
![Жыхары горада Уіндэр смуткуюць аб загінуўшых](/sites/default/files/styles/gallery_main/public/2024-09/shooting.jpg.webp?itok=duU9f9nD)
Жыхары горада Уіндэр смуткуюць аб загінуўшых / Reuters
Падлетак учыніў страляніну ў сярэдняй школе ў горадзе Уіндэры, Джорджыі. Забітыя чатыры чалавекі (двое яго аднакласнікаў і двое настаўнікаў). Яшчэ дзевяць чалавек параненыя, піша Reuters. Стралок затрыманы.
Летась гэтага хлопца ўжо дапытвалі супрацоўнікі праваахоўных органаў — цікавасць да яго ўзнікла ў сувязі з пагрозамі ў Інтэрнэце аб здзяйсненні страляніны ў школе.
Дырэктар бюро расследаванняў Джорджыі Крыс Хоўзі расказаў на прэс-канферэнцыі, што падлетку 14 гадоў, яго завуць Кольт Грэй, і яго будуць судзіць як дарослага. Шэрыф акругі Джад Сміт дадаў, што хлопец быў узброены паўаўтаматычнай вінтоўкай, і быў хутка затрыманы памочнікамі шэрыфа. Калі яны з'явіліся, падазраваны тут жа лёг на зямлю і здаўся. "Тое, што адбылося сёння, здзейсніла чыстае зло", — сказаў Сміт. Пра матывы хлопца пакуль нічога не паведамляецца.
Белы дом у сваёй заяве паведаміў, што прэзідэнт Джо Байдэн быў праінфармаваны пра стральбу. Ён выступіў з заявай, сказаў, што смуткуе і заклікаў рэспубліканцаў абдумаць і прыняць "разумнае заканадаўства аб бяспецы абыходжання са зброяй". Страляніна ў Джорджыі аднавіла дэбаты аб неабходнасці кантролю над зброяй у ЗША.
!["То, что произошло сегодня, совершило чистое зло" — в США снова стреляли в школе](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-09-05%20100852.png.webp?itok=iXdRm737)
!["То, что произошло сегодня, совершило чистое зло" — в США снова стреляли в школе](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-09-05%20100840.png.webp?itok=4b7ZU1Me)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.