У Гомелі адбыўся выкід газу

У выніку над Гомелем усю нядзелю адчуваўся пах газу. Пра гэта парталу TUT.BY паведамілі жыхары горада. У аварыйнай службе гамельчукам спярша распавядалі пра трэснутую колбу. "Аварыйка" патлумачыла, што этылмеркаптан — моцнае атрутнае рэчыва, якое дадаюць у газ дзеля надання яму паху. У аварыйнай службе таксама паведамілі, што наступствы ліквідаваныя. А воблака газу яшчэ нейкі час павісіць над горадам, пакуль не рассеецца.

Аднак у нядзелю, 12 лютага, "аварыйка" ўжо заявіла, што ніякай аварыі не здарылася. Яе супрацоўнікі сказалі, што, магчыма, ад паху толькі нейкі час будзе балець галава.

У Гомельскім упраўленні Міністэрства па надзвычайных сітуацыях кажуць, што сапраўды мелі скаргі на пах газу. Але, кажуць выратавальнікі, пацярпелых пры аварыі не было, газавікі ўсё ліквідавалі самастойна.