У Гомелі адкрылася выстава знакамітых неглюбскіх ручнікоў (фота)
Адметнасць гэтых твораў народнага мастацтва ў тым, што сустрэць два аднолькавыя рушнікі немагчыма.
Выстава ручнікоў з Неглюбскага вясковага цэнтра ткацтва Веткаўскага раёна працуе ў гомельскім абласным цэнтры народнай творчасці.
У экспазіцыі прадстаўлена больш за 20 унікальных працаў. Дзякуючы гэткім ручнікам вёску з-пад Веткі ведаюць далёка па-за межамі краіны. Неглюбскія рушнікі экспанаваліся на выставах мастацкіх вырабаў у Англіі, Бельгіі, Францыі, ЗША, Канадзе, Нямеччыне ды Японіі.
Выстава будзе працаваць да 20 чэрвеня і наведаць яе можа бясплатна кожны ахвотны.
