У рэгіёнах Беларусі з’явяцца свае оперныя тэатры?
20 верасня пачне працу стажорская трупа пры Нацыянальным акадэмічным Вялікім тэатры оперы і балета.
Пра такія планы паведаміў журналістам 30 жніўня генеральны дырэктар тэатра Ўладзімір Грыдзюшка. Гэтую трупу набіраюць для таго, каб падрыхтаваць для сцэны маладых салістаў оперы. Студыю ачоліць народная артыстка Беларусі Наталля Руднева. Чакаецца, што ў лік стажораў увойдуць студэнты Акадэміі музыкі і нават маладыя спевакі з іншых краін, інфармуе БелаПАН.
Сярод іншых запланаваных навінаў у дзейнасці тэатра — выхад у рэгіёны. Напрыклад, у абласных цэнтрах мяркуюць адкрыць філіялы Беларускай оперы.
