Валянцін Стэфановіч судзіцца з падатковай
Намеснік старшыні Праваабарончага цэнтру “Вясна” падаў у суд скаргу на рашэнне падаткавай інспекцыі Партызанскага раёну Мінска.
19 кастрычніка яму выпісалі штраф у памеры 4 727 330 рублёў. Праваабаронцу прызналі вінаватым у тым, што ён па неасцярожнасці не паказаў усю суму даходу, якi падлягае падаткаабкладанню.
У сваёй скарзе ў суд Партызанскага раёну Валянцін Стэфановіч звярнуў увагу на шматлікія працэсуальныя парушэнні з боку прадстаўнікоў падатковай інспекцыі. Так, яшчэ да пачатку разбіральніцтва па справе, праваабаронцу азнаёмілі з загадзя гатовым рашэннем. Апроч таго, некаторыя дакументы ў справе не былі перакладзеныя з замежных моваў, паведамляе “Вясна”.
