З Беларусі ў Еўрасаюз ужо з'ехалі 1 млн 300 тысяч жыхароў?
Такую лічбу назваў былы міністр працы, сацыёлаг Аляксандр Сасноў.
У якасці крыніцы інфармацыі ён назваў аднаго з "еўрапейскіх прадстаўнікоў". На думку Саснова, аднак, гэтая лічба крыху завышаная. Заява прагучала на паседжанні круглага стала, прысвечанага стварэнню ў Беларусі эфектыўных працоўных месцаў, перадае БелаПАН.
Таксама эксперт адзначыў, што на цяперашні час праблема з беспрацоўем у краіне не такая вострая. Паводле даследаванняў НІСЭПД, яна складае каля 6% усяго эканамічна актыўнага насельніцтва краіны. Нагадаем, што паводле афіцыйнай статыстыкі зарэгістраванае беспрацоўе ў 10 разоў меншае — 0,6%.
