Жэрар Дэпардзьё прапісаўся ў Саранску
Французскі акцёр, які ў пачатку года стаў расійскім грамадзянінам, атрымаў сталую рэгістрацыю ў сталіцы Мардовіі.
Дэпардзьё прапісаўся ў новабудоўлі ў цэнтры Саранска, у доме № 1 па вуліцы Дэмакратычнай, у кватэры сваякоў дырэктара Дзяржфільмафонду Расіі Мікалая Барадачова. Яны з Дэпардзьё даўно сябруюць.
Акцёр падкрэсліў, што рашэнне аб рэгістрацыі ў Мардовіі не з’яўляецца фармальным. Яно сур’ёзнае і абдуманае, звязанае з планамі частага знаходжання як у Расіі, так і ў самой Мардовіі. У будучыні француз плануе пабудаваць тут уласны дом, а таксама адчыніць уласную рэстарацыю, інфармуе РИА Новости.
