"Рэжым Лукашэнкі будзе прыцягнуты да адказнасці" — кіраўніца Еўрапарламента
Аляксандр Лукашэнка і яго сілавікі / БЕЛТА
Кіраўніца Еўрапарламента Раберта Метcола пракаментавала "завочны прысуд" у Мінску па "справе Каардынацыйнай рады". Рэжым Аляксандра Лукашэнкі "асудзіў" Святлану Ціханоўскую на 15 гадоў зняволення, Паўла Латушку — на 18, Вольгу Кавалькову, Марыю Мароз і Сяргея Дылеўскага — на 12 гадоў.
"Спачатку яны пасадзілі ў турму яе мужа, — піша Метсола ў Twitter пра Ціханоўскую. — Затым яны затрымалі яе. Цяпер яны завочна прысудзілі яе да 15 гадоў турэмнага зняволення... Рэжым Лукашэнкі будзе прыцягнуты да адказнасці. Мы працягнем імкнуцца да вольнай Беларусі".
"Сёння я думаю пра тых, каму рэжым даў рэальныя, а не завочныя тэрміны", — так кіраўніца Аб'яднанага Пераходнага Кабінета Беларусі Святлана Ціханоўская пракаментавала "завочны прысуд".
Verdicts on leading political figures tried in absentia show continued fear of them by Lukashenka’s regime. @PavelLatushka: 18 years. Maria Moroz, Volha Kavalkova & Siarhei Dyleuski: 12 years.
— U.S. Embassy Minsk (@USEmbBy) March 6, 2023
They won’t serve time; they’ll serve the people of Belarus, with our support. (2/2)
