Рубель у Беларусі другі дзень запар зніжаецца адносна ўсіх валют
28 лістапада на Беларускай валютна-фондавай біржы адбыліся чарговыя таргі. Па іх выніках Нацбанк вызначыў новыя курсы валют.
Курс долара ЗША працягвае расці — з 2,1310 да 2,1471 рубля. Курс еўра таксама пабольшаў — з 2,4118 да 2,4227 рубля. За 100 расійскіх рублёў сёння даюць 3,2013 беларускага (у аўторак — 3,1948).
Беларускі рубель аслабеў адносна кошыка валют на 0,41%.
