Русы — пра непрыбраную кукурузу: Што, тапіць тэхніку прапануеце?
Намеснік прэм’ер-міністра Беларусі Міхаіл Русы ў чацвер выступаў перад дэпутатамі і сенатарамі. Тэма яго даклада — “Аб працы і перспектывах аграпрамысловага комплексу”. Еўрарадыё узяло каментар у Русага па сітуацыі з уборкай ураджаю.
Еўрарадыё: Да гэтага часу не прыбраны 1% кукурузы, не прыбраны ўсе буракі. Як з гэтым змагацца?
Русы: А што змагацца? Кукуруза не зерне, прыбярэм. Увесь свет прыбірае. Кукуруза калі і падмерзне, нармальная.
Еўрарадыё: Кіраўнік дзяржавы загадаў скончыць уборку да 7 лістапада…
Русы: Але там, дзе немагчыма ўвайсці сёння… Што, тапіць тэхніку прапануеце? Сёння там стаіць 40-50 цэнтнераў зерня. Дамалоцяць. Паціху ўсё прыбіраюць… А бяздумна нічога рабіць не трэба. Мы ведаем, што рабіць.
