Сем гарадоў Польшчы – супраць пахавання Качыньскага на Вавелі

Пратэсты супраць пахавання прэзідэнцкай пары ў Кракаве адбудуцца сёння ўвечары а 21-й гадзіне па беларускім часе ва ўсіх найбуйнейшых гарадах Польшчы. У спісе знаходзяцца Варшава, Вроцлаў, Познань, Гданьск, Катавіцэ, Кракаў, Лодзь. Інфармацыя пра акцыі пратэсту распаўсюджваецца сярод палякаў праз сацыяльныя сеткі, а жадаючых прыняць удзел у пратэстах становіцца ўсё больш.

Паміж 21 і 22 гадзінамі ў эфіры Еўрарадыё адбудзецца прамое ўключэнне з варшаўскай акцыі пратэсту.