Сіноптыкі: У сераду па ўсёй краіне чакаюцца дажджы і навальніцы
Уначы ападкі прагназуюцца толькі на захадзе Беларусі, месцамі магчымыя моцныя залевы.
Раніцай і ўдзень на значнай частцы тэрыторыі краіны пройдуць кароткачасовыя дажджы, у асобных раёнах — навальніцы. Вецер пераменных напрамкаў 4-9 метраў за секунду, пры навальніцах — да 14 метраў.
Тэмпература паветра ў начныя гадзіны складзе 13-19 градусаў вышэй за нуль, на ўсходзе — да 10 цяпла, у дзённыя гадзіны — да 20-26 градусаў, ва ўсходніх раёнах — да 28 цяпла, інфармуе БЕЛТА.
