Стала вядома пра новую пацярпелую пры абвале столі ў "Арэна-Сіці"
Сталі вядомыя новыя дэталі крымінальнай справы па факце абвалу столі ў гандлёва-забаўляльным цэнтры "Арэна-Сіці". Афіцыйная прадстаўніца Следчага камітэта Юлія Ганчарова паведаміла іх агенцтву "Мінск-Навіны".
Па яе словах, у справе праходзяць дзве пацярпелыя. Пра адну з іх стала вядома адразу пасля здарэння. Дактары аказалі ёй дапамогу і адпусцілі дадому. Пра іншых пацярпелых спярша не было вядома. Аднак пазней выявілася, што яшчэ адна дзяўчына звярнулася да лекараў праз некалькі гадзін пасля здарэння. Прызначаныя дзве судова-медыцынскія экспертызы.
Следчыя дапытваюць супрацоўнікаў гандлёва-забаўляльнага цэнтра. Яны працягваюць вывучаць дакументацыю "Арэна-Сіці", у тым ліку праектную, тэхнічную, будаўнічую ды іншую. Таксама плануецца прызначыць будаўніча-тэхнічную экспертызу.
